談心

sweet 爆...

希希又喺哥哥面前扮哂野...
楚楚可憐啊...

轉頭又笑呵呵...

親愛的樂樂,
在這段期間,媽媽又再一次將所有時間比哂希希...
而你又再一次體諒媽媽,一句怨言也沒有...
我亦知道你因為希希的事而偷偷流淚...
不讓我們知道和擔心...
你真係好叻仔,好懂性...

雖然你讀書吾叻,又中意打機...
不過我知不是你的錯,因為爸爸都中意打機...

如果他日你倆看到的話...
請打少d機...

10月29日

今早希希又懶醒...
要自己戴上口罩,吾比媽媽幫手...
結果扯甩條繩 ???

 

驗血報告白血球仍未升...
回家去...
******************************************
很久也沒有記錄希希學習進度...
雖然他不能上學,上街...
但他在家的日子,依然很喜歡做練習...
希希已學會了...
~自己推住fit ball行 ,沒有失平衡...
~坐上自己私家車,能用腳向前向後及扭軚盤轉彎...
~爬姿完全改善了,已用四點跪爬法...
~學會了扭開樽蓋及用扭既動作...
~學會了吹既動作,口水噴少左...
~能分辨出簡單物件及用途...
~能模仿很多動作...
~多發聲表達自己想要既野...
~雙手協調也進步了,可以一手扶住一手做野...
YEAH ???


另外,他的舞姿花式也越來越多...勁可愛

10月27日

白血球未達標...
回家去...
隔日再返嚟抽血...

媽媽開始覺得好討厭...
每次在醫院裡呆等半日...有時全日...
等,等,等 ???
有時吾駛等報告...
也要等,等,等 ???

10月24日...出院了

今天,希希放假出院了...
他的狀態已不錯,口仔也開始好起來...
星期二再入院抽血...
如無意外,星期三抽骨髓,開始做第三次化療...
希希加油...

吾知點解 ?
希希 d 頭髮好像多了...

10月22日...入院了

昨晚希希發燒...入院了
今早已退燒...但個口仔又開始爛...
希望希希吾好生飛滋...
今天希希狀態比較攰...
笑容也少了...

驗血報告,血色素,血小板已達標...
白血球指數都升到 0.55...
醫生話升到 1 就開始做第三次化療...
希希你支持到嗎 ?
爸爸媽媽哥哥給你...
"愛的力量"
加油...

10月19日

上星期五順利回家放假的希希...
這幾天,盡情的玩,盡情的跳...
完全吾捨得休息...
午睡只睡了一小時,就彈起身...

今天回醫院抽血...
希希吾開心,吾想出門口...
連口罩也不願帶上...
只肯揸住個袋仔...

好彩又順利回家放假...

原定星期五就開始做第三次化療...
不過醫生話應該會延遲...
媽媽好衰呀,竟然有d開心...
因為希希只是好了些...
吾想他咁快又要去打仗...

10月15日...day 14

不經不覺住院了半個月...
難捱的日子總算過去了...
明天打埋最後一支抗生素...
希希回家放假啦...
希望一切順順利利...

希希的肚瀉昨天已停止了...
patpat都好返,冇損冇紅...
今天的便便也回復返之前咁靚...
希希叻仔

10月12日...day 11

今天終於見到主診醫生...
媽媽一次過講哂吾中意既野比佢聽...
所有問題解決哂...
媽媽放心了...
1)吾駛逼佢飲嗰d奶,希希可以飲返自己d奶,不過減少奶粉'學'數...
2)可以比希希試下吾吊水...
3)如果條喉仔冇菌,打多四日抗生素,就比希希放假...

另外,主診醫生說,「諾沃克類病毒」係傳染性...
只有希希完全醫好返,即做哂所有化療,骨髓正常,他才不會瀉落去...
就算他減少左瀉,一旦白血球下跌,冇抗體,他又會起返,係清吾到...
因為d菌係會跟住...
所以日後希希住院,會獨霸一間...
私家房 ?
而爸爸媽媽在院期間一定要穿上保護衣...

11天沒有落地行的希希...
今天一身鬆哂,不停地周圍攪攪震...

10月11日...day 10

住院第十天...
希希狀態已好轉,有活力,有精神...
不過腹瀉仍持續...

媽媽又發現希希新野...
每次d喉仔阻住哂...

他就用腳出絕招整走佢,勁呀...

希希的歡笑聲...很動聽

 

p.s希希早午晚餐都吃到一碗固體食物,又飲水,又食小食...
但媽媽依然不明白有些醫生仍說他食得吾好,係要逼佢飲嗰d奶...
自己d奶又吾比飲...激氣
真不知怎樣才是食得好...

 

 

 

10月8日...day 7

希希住院了一星期...
雖然他已有精神,有胃口...
但媽媽感覺他身體好似愈來愈差...
昨天他的手仔腳仔凍冰冰...
體溫又開始高,很驚他會發燒...
今天他的血色素再下跌了...
明天要輸血...

媽媽已經同醫生說,希希吾肯飲營養師d奶...
但他食到粉,包,飯,肉,魚...呢d都有營養的...
吾一定要迫他飲都可以架...
醫生話ok,冇問題...
不過叫我吾好比希希飲奶住,以免會肚瀉...
媽媽開心返...
希希你要加油呀...

10月7日

10月6日~
兩個壞消息...
醫生說希希的便便驗出了「諾沃克類病毒感染」...
所以引致腹瀉好嚴重,加上現時的他冇乜抗體,只有靠他痾清為止...
她想希希轉飲營養師調較既奶比希希飲,不吃其他食物...
因為希希d腸敏感d,等佢容易d消化,可是希希吾肯飲...

喉仔種到菌,又被感染了...
又要打多隻抗生素...
******************************************************
10月7日~
姑娘話如果希希吾肯飲營養師d奶,咁可能要同希希插胃喉飲...
媽媽即好大反應,點解呀?希希又吾係食吾到野,又精神...
她說醫生擔心希希吾夠營養,會瘦落去...
媽媽心諗,希希星期一已開始食到野,仲多過我,只係呢排吾肯飲奶...
咁都要插胃喉迫佢飲奶 ???
今午媽媽即刻開奶比希希飲,他肯飲,飲到4安奶,yeah...
晚上姑娘叫我吾好開自己d奶,叫希希飲返營養師嗰d奶先...
但希希都係吾肯飲 ???
如果明天醫生話要希希插胃喉飲...
媽媽決定吾比佢地插胃喉...諗起就激氣 ???

昨天開始希希已回復狀態,可以自己企到啦...
今天既便便開始有少少糊狀,希希快d痾哂去...

驗血報告,血色素,血小板已下跌了...
今天吃了2包血小板...

10月5日

10月4日~
希希已經5天冇乜食過野,又痾又嘔...
每次都喊住,好辛苦...
因為他痾既係水c,很多很多...
次次都過哂底,褲子,牀單...
可能希希又驚,加上patpat又損哂...
每當同希希換片,塗上藥膏...
媽媽總是心如刀割...
晚上,媽媽哭了...
在電話中對住爸爸說,好辛苦,好難捱...
好驚佢真係撐唔到...好難受

10月5日~
希希狀況好了些,肯食野,冇嘔啦...
媽媽即時回復狀態...
不過希希依然停不了痾...
但已有好轉,冇喊住痾...
可能肚仔吾痛痛啦...
希希你真係堅強,知道媽媽唔開心...
今天,你就氹返媽媽了...叻仔

小bu,媽媽不能失去你...
你一定要努力加油...

10月3日

10月1日~
希希仍然冇胃口,又嘔又肚瀉...
媽媽當晚中招了,被感染...又嘔又瀉...
********************************
10月2日~
希希入院了,媽媽病倒了...
不能照顧到希希...
24小時辛苦爸爸了...
希希依然又嘔又瀉,冇胃口..
要打抗生素,吊鹽水了...
********************************
10月3日~
媽媽好了些,即回醫院睇希希,替爸爸更...
今天希希狀態比起前數天很精神...
雖然他仍然吃不到,又嘔又瀉...
但他時常也充滿笑容,好叻仔...

短短數天,他~消瘦了
希希加油呀

今天是中秋節,雖然你和爸爸要在醫院過...
不能一家人一齊渡過...
但媽媽知道你同樣會過得好快樂...
中秋節快樂