得來不易

親愛寶貝:
你知道嗎?
每當媽媽我和你一起上堂的時候
得到導師和其他家長讚你……
希希好乖  好専心  好合作 
次次上堂都忍住喊 好叻仔
而且導師還說你的體能好好的
每次媽媽我聽到這些說話內心不禁地感動起來
因為這些的稱讚對你來說得來不易
~你需要每天努力訓練才得來的
~你需要比人努力多倍才得來的
***************************************************************                     
希希 努力       支持你
                                                                     愛你媽媽上

happy birthday

晚上 May e e 買咗個蛋糕上嚟我們家…因為今天是我媽咪生日…

     還請我吔食 pizza… 嘩  好正呀…    

     多謝妳~May e e

     我同妳都一樣好錫媽咪架!
***********************************************
  dearest sister : 我真的好感動  多謝妳

想爬嗎?

上星期 heihei 上 OT 時
導師話 heihei 有意識想爬
叫我家居練習時要幫幫佢……推 推 推
所以 heihei 以家又成日做呢個動作……

發燒中

發燒中的小王子

今天好好多啦

雖然還有d懞懞地

但完全不影响他最愛……

緊握我手

雖然唐寶寶會有很多間題會發生?
而且你的路亦比人難行?
只要你緊握我手?

所有問題都會一一克服?
                                                                                                         愛你…媽媽

戴鐺鐺

拍拍手  踏踏腳   (提升關節感覺)
     戴住鐺鐺做練習…… 希希好攪笑 好可愛

每次希希試新野做訓練都好合作,真的好扺錫…BB

攪得你掂

終於攪得你掂……吃糊仔
但個口就冇時停(勁講野)

新水杯

 e e 買左個新水杯比我呀!

今日媽咪就叫我自己試吓揸住…

我自己仲識得擺入口tim…

不過就吾識飲呀…

就識得咬…哈哈

繁忙的星期

Tue:同希希上堂

Wed:帶希希返醫院覆診

Thu:希希做OT

Fri:帶希希打針

所以今晚開始要早d訓

      

話你知~

   OT=職業治療

   ST=言語治療

   PT=物理治療

10秒的力量

親愛寶貝:今天練習好叻叻呀!

 勁呀!

 我的10秒力量~~~~~

   自己坐!

懶醒

今天希希第一次同2位唐寶寶一起上(小組訓練),希希是最細的一個!
而今次希希表現好乖,好合作,冇喊 冇扭眼訓 仲好専心
老師和其他家長都讚希希 好専心 好叻仔
因為另外2位BB吾咪太合作!
回到家中,希希還不肯訓,又要懶醒一番!

我做得到!

六個月大的你~

雖然比起一般的寶寶進度較慢!

不過 爸爸 媽媽 哥哥 都認為你係最叻叻!

因為你每天都比心機做練習,而且還進歩得好快!

********************************************************

現在的你~

已經能夠主動抓住玩具,已不用媽媽我幫手!

頸仔也自己承托到,自己能轉左轉右,也不用媽媽利用玩具吸引你!

聽到周圍的聲音,你的反應也好快追視到!

至於轉身動作,媽媽我覺得你呢樣最叻!

這些這些都是你努力的成果!

 

你~依然是你

今天你六個月啦!

雖然你身體還很軟綿綿!

而且樣子似乎也開始突出了!

不過媽媽我不會因為…

    你靚我就愛你多d   

你醜我就愛你少d

你…依然是你

頭痛?

現在的我真的頭痛了……
因為bb你已6個月大要開始進食固體食物……
而一向對入廚冇經驗的我,今次真的頭痛啦……
真不知如何是好了……
加上現在的你吾肯吃糊仔,每次你吃時都叫哂救命……
講真d糊仔真的很難食,連媽媽我也試食過……
怪不知你不喜愛呢……
不如請大家教教我如何做吧!

為了你

唐寶寶容易痴肥,因為他們 少運動 愛睡覺!

親愛寶貝:      

為了你…只好減少你的睡眠時間!
為了你…每天早上同你傾下計,同你玩,然後做練習!
為了你…讓你知道早上係要做運動,而不是訓覺!

雖然現階段對你是很辛苦,但希望你知道媽媽我這樣做全

為了你!

可愛的你

媽咪話呢輯相影得我好有型喎!

成個機長 look !

***************************************************

坐定定~

出發啦~

克服了

今天我出席大王子學校舉行成長的天空儀式!
因為大王子已委任為『抗逆大使』!
當然會有其他有份既學生和家長一起出席,大家互相認識一下?
而其中有位家長問我:「BB(希希)幾大呀」
我就話:「就嚟6個月」
佢又再講:「BB好細粒,我邊個邊個邊個好大隻架」
跟住我竟然咁答佢:「係呀!我BB係唐氏,所以係細粒d」
之後她沒有再出聲?
當時的我沒有吾開心,沒有嬲,不過吾知點解自己會咁講,而且仲好順口!
之前我還很擔心(帶小王子出街時)人吔究竟知吾知他是唐寶寶,岐視佢呢?
如果人吔又用d奇異眼光望佢,我又會點呢?
今天我好開心,因為呢d無謂既擔心我經已克服了!

眼科檢查

4 oct,帶小王子到眼科中心檢查,等就等咗個半中,睇就睇咗5分中,用d纇似電筒既物體照下小王子對眼,然後答我一切正常,半年後再返嚟睇?完全冇機會比我問野?呢位醫生麻麻?
好彩都問到一樣,希希是否有斜視(俗稱鬥雞眼),因我發現有小小,醫生話吾係,只係假鬥雞眼,都安心唒!

對話

無意中聽到兩位王子既對話……
大王子:bubu豬 扮野豬
小王子:# # # # #
大王子:錫哂你 得未
小王子:& & & & &
大王子:比你擺哂媽咪 得未
小王子:@@@@@
大王子:陪你玩 得未
小王子:哈哈哈哈哈

        

 兩位王子真係好可愛

口部感知運動

heihei 口部感知運動

每日做2次
……用膠冰粒輕按咀唇邊6個位置共3次
……用手指按壓及打圈咀唇邊6個位置共3次
……用手指按壓推(上左右∕下左右)唇邊來回共3次

********************************************************************

每日做1次
……用按摩牙刷刷柄按摩面部及上∕下咀唇邊
……自己戴上BB牙刷手套,放在BB牙床位置,目的是鼓勵BB進行咀嚼的動作
……自己戴上醫生用手套,用食指(右邊)及拇指(左邊)在每邊牙肉8個位置打圈進行牙肉按摩共3次
……給手指餅∕餅乾(用水浸軟)BB食,嘗試咀嚼

********************************************************************

 

親愛寳貝:為了你我會努力!

為你而設…

在的家居訓練,除了每天做的基本練習外,

其他特別練習也越嚟越多……

口部感知運動已經由每天做3樣增加到每天7樣不同的練習!
(而呢d練習對你日後有很大的幫助,能收緊口部和舌頭肌肉,使到日後能容易進食和改善語言能力)
媽媽我想一想~~~為了你
我特別為你而設『訓練坊』,耤此能提醒我每天都不要偷懶和你做訓練!
希望每天和你一起努力,一起享受訓練的過程!

親愛寶貝:你要努力啊!

愛你…媽媽