9月30日

從未如此疲倦過...
從未如此嘔吐過...
心~很痛
心~更難受

身為你的母親,
很想一切為你擔~為你擋~

身為你的母親,
也願意承受哂你所有痛楚~

今天,媽媽我流下了感動既流淚...
因為,希希你比起媽媽更勇敢,更堅強...

寶貝加油呀

第二次化療...day 4~5

Day 4~
希希食得玩得...
醫生讚他好叻仔...
Day 5~
今天希希好攰,但都有胃口...
落埋第二隻X藥...
為期五天第二次化療...順利完成
出院了,yeah~
**************************************
回家後的希希,沖了涼...
隨即又睡過...
睡醒了...化療副作用即到 ?
又腹瀉,一個中又一次...
又冇胃口,食咩嘔咩...
連飲水都嘔返出嚟...
雖然好心痛...
但爸爸媽媽不斷同希希說...
吾驚吾驚?嘔哂去...有我地喺度...
他~好乖仔,全程冇喊過...
還用他燦爛的笑容...
對我們說~我撐得過...

我地既勇敢小bu...
真係好堅強,叻仔...

謝謝各位愛錫希希既你們, 再次謝謝你每天也到來為希希打氣,送上祝福...
給我既留言,支持...
我真係好感動,好感激...
我們家會繼續努力...
謝謝你們

第二次化療...day 2~3

Day~2
希希冇胃口,好攰+扭計...

下午希希發燒了~
要照X光,抽血,抽鼻液...
要入住隔離病房...
希希叫哂救命「喊」...

媽媽仲要一出病房~
就要穿上保護衣,眼罩+口罩...
焗到暈,像抖不到氣,好難頂...

媽媽入到去隔離病房個感覺好寒,好驚...
成晚冇訓,冇行開~
兩個字形容...「坐監」

Day~3
1:30pm報告出,不是豬流感...
隨即執野上返病房...
yeah...吾駛隔離
媽媽同希希笑呵呵...

今天希希有返胃口同笑容啦...好叻仔

第二次化療...day 1

今早抽了骨髓後...
隨即展開~
為期五天第二次化療...落X藥 ?

希希一個字形容...勁
抽了骨髓,又打埋背脊針...
吾捨得休息...要玩 ?
好似一d都吾痛...好犀利
還笑呵呵...真係好勇敢好堅強

不過今次d藥每天落24小時...
希希冇得落地了...

p.s.今天骨髓報告冇壞細胞,醫生話並不代表好返,只係合格...

9月24日

昨天打了白血球針,今天升到 4.1...
勁呀~吾駛打第二枝,好yeah...
因為呢支針都有副作用~
「骨痛」...
今天醫生叫我地回家,明早入院...
抽骨髓...
好yeah~希希可以在家抖多一日...

希希好寸姐 ? 又吾笑..

希希新寵兒...「keroro」

「毛毛」呢 ? 終於睇厭左...

9月23日

今天報告...
白血球0.4吾合格...醫生話升得慢...
要打白血球針...
如明天抽血報告白血球ok的話,吾駛再打第二枝...
就抽骨髓...
希希你抖夠啦...
明天可能要住院...
準備迎戰~
第二次化療...
希希你一定要堅強,努力撐過去...

扮cool ?

今天,這位快樂小勇士...
吾比影相...吾望鏡頭...吾笑...
扮哂cool...

但媽媽覺得希希扮得好有型...

9月21日

今天報告...
血色素,血小板都合格...
白血球吾合格,還未升...
依然徘徊在0.2...回家去...

希希放假了兩個星期多...
在家既日子,媽媽覺得他的狀態愈來愈好...
而且他還肥返呢...
今天他的體重已回復返之前既重量啦...

初初希希做完小手術時侯...
媽媽好驚...還有時又神經緊張,左check右check...
怕希希無意中扯甩條喉仔...
同希希沖涼時候又驚他攪攪震etc...
經過一段日子後,希希明白了...
已經同喉仔做了好朋友...
每次沖涼前已拿定膠袋膠紙比媽媽...
幫佢包住好朋友...
沖好涼又坐定定...
比媽媽清潔埋d膠紙漬...
希希你真係好扺鍚...叻仔!

媽媽總覺得你是非一般唐氏孩子...
從來都冇令媽媽失望,擔心...
還成日氹媽媽笑...
有了你是我人生最快樂既事...
希希,加油...

9月18日

前日入院時,媽媽問姑娘...
希希條喉仔其中一條個開關制 part 開左,之後我自己 lock 返去...
駛吾駛同希希沖返條喉仔,睇下又冇塞...
她說吾駛,之後問我學吾學...
媽媽話梗係學,仲想學埋洗傷口(喉仔)...
(因為佢地話條喉仔一星期最少通2次,但自上星期一放假回家,返醫院時,佢地都冇同希希通過,只係醫生同希希抽血後,循例沖下......)
昨天媽媽已買定所有用品...消毒包,火洒棉,膠布,針茼等~
今天姑娘教媽媽了...
首先,姑娘問媽媽有冇信心自己洗 ? 媽媽答「有」...
因為媽媽之前都有留意姑娘點洗,同埋有睇 notes...
跟住姑娘就從旁指導及協助媽媽...
好野,媽媽自己一手一腳同希希完成洗傷口了!
到沖喉仔,有少少'協'...因為太多步驟 ?
加上媽媽用針抽藥水時整得吾好,要姑娘幫小小手...
之後姑娘通一條,媽媽通一條,因為有2條...
最後順利完成用針筒同希希沖喉仔...
待姑娘認為媽媽合格的話,就可以自己做!
媽媽覺得自己貼膠布貼得好滿意...

媽媽之所以學,因為覺得自己做會比姑娘更細心...
同埋吾駛再問姑娘幾時洗,幾時沖...
今天謝謝姑娘教得好,媽媽學得好...
順便係度讚下自己四個字...
「好勇」+「好叻」

9月16日

每次入院,姑娘都未通知去那張床...
希希總指定要這間房...行入去...
因為他訓開...佢架 ?
好幸運地...
希希幾乎都是這間房,這張床...
哈哈~私家房...

今天,主診醫生同媽媽說,她詢問過更高級醫生...
現希希狀況理想,不會同希希打白血球針...
由他自己升上去,延遲做不會影响他...
所以吾駛急,吾駛擔心...
回家放假,keep住入院抽血...
夠數才做第二次化療...
yeah~媽媽放心了...
因為之前很怕延遲左,d癌細胞又會嚟...
今天白血球指數 0.26...升左,好勁呀...
媽媽好突然,好開心...
之前一直係 0~0.1 斷斷續續升下又跌下...
希希你真係好叻仔!

9月14日

主診醫生見希希狀況very good...
睇埋驗血報告,冇問題,明天就抽骨髓...
可是白血球吾合格...
化療又要延期了...

希希好叻仔,破紀錄...
吾駛食紅豆沙同血小板...
之前三至四日就要食...
好yeah,今天放假回家,星期三再入院...

今天希希成日逃走...
撩人玩 ???

最終要比人'的'入房...

9月13日

放假回家已一個星期...
希希在家中的日子...
容光煥發,充滿力量...
每天都很開胃...
早午晚一枝奶+早餐午餐晚餐...
一個字~勁呀

他除了食得玩得之外...
連吃藥水都大變身...

吾駛再同媽媽搏老命 ?
好叻仔!

明天入院了,希望一切順順利利...

 

我會追得返!

希希患病了一個月...
整整一個月裡,他的體能也逐漸下降...
企不多,行不多,一會兒就疲倦下來...

在醫院的日子,我看著你在病床上...
像失去自由...
心~真的好痛...
公園不能去,學不能上...
媽媽迫於無奈要幫你退學了...

當時的媽媽,很害怕...很害怕...
我既小bu,會否因為這個病 ?
而影响他更加發展慢,學習慢...

今天的媽媽,信心回來了...
因為我既小bu,是個聰明的孩子...
一定會追得返!

親愛的希希~
你一定要努力加油,打敗病魔...
 

9月11日

醫生見希希咁精神,面色又ok...
抽完血,順利回家...
吾駛食「紅豆沙」同血小板...
星期一再入院抽血,睇下d指數又冇上升...
可能二,三開始落藥做第二次化療...

希希d指數要up up up...
爭氣呀