食蘋果

希希最愛食蘋果,每次都坐定定慢慢食…
自從加強練習舌頭後,希希脷仔已有改善…
還識得用脷仔lam野食…
親愛寶貝:多謝你,你又令媽媽我又鬆一口氣!

爸爸也愛你

雖然我甚少提及爸爸…

但爸爸同樣也愛你…

毎天辛勞過後,他總會抽出時間陪伴你們…

    玩吓     錫吓   傾吓     笑吓     

 

 

慢動作

每當練習時看見你的慢動作,個心不禁笑起來!
雖然這些動作對一般bb是十分容易做到!
但對於你…
         停一停    諗一諗    撥一撥

輕鬆多了

雖然媽媽我每天都要和你做練習,有時我真的想偷懶…
不過媽媽我沒有這樣做過,依然每天用心同你做練習…
回想起~當初與你做這些練習的時候,少d心機都吾得…
每次練習都用盡方法在你身旁慢慢地引導你,吸引你…
現在的你真的令媽媽我輕鬆多了…
因為在無時無刻的你都在表演了…

  趴身動作練習 

 自行手撥玩具

  還哈哈大笑

  練習坐直動作

  也不再滑下來

親愛寶貝:你真的好乖仔! 

                                  

又發現

夜晚時,我在織冷衫,爸爸落咗街
我就叫哥哥睇住弟弟…
跟住哥哥一手抱弟弟入自己房睇“叮噹卡通片”
我在廳外聽到哥哥在唱歌:
「一閃一閃小星星    一顆一顆兩晶晶」
「登登登登登登登    登登登登登登登」
這時的我沒有入房偷望,因為哥哥很怕羞的…
雖然他有時在我吔面前對住弟弟愛理不理…
但其實我知道他很愛弟弟…
因為在他 返學前  放學後
第一時間找「阿bu」
*********************************************
親愛的樂樂:
媽媽我同樣都好愛你!

解釋不到的答案

上個星期醫院致電,話希希尿液仍有問題…
所以今天又帶希希返醫院留小便…
由希希出世至今~尿液的問題仍沒有改善…
每次問醫生時,答案都是一樣…
解釋吾到的問題…
可以說是有很多因素…
其實我已習慣了…
只不過我希望電話響時不是醫院打嚟就好了…
因為同希希留尿過程太麻煩…
貼住尿袋,有時吾小心軌一軌又漏左…
又要再留過…
好在今天很順利…

我乖咗d啦

夜晚我吔到婆婆家食飯…        
 媽咪讚我乖咗,因為之前我成日喊,又吾比人抱,又吾比人掂…
 以家已好好多,你睇公公抱我就知啦!
            

    

            我仲笑住同媽咪影tim…
           

           不過爸爸同哥哥始終吾肯影相…
           

  媽咪唯有同我影囉!

上堂中…

次次上堂中的希希,都好好享受練習過程!
每次總會見到他可愛的一面……

今天還很厲害……20秒的力量!

相若…

今天媽媽我很開心…
因為pt導師同媽媽講…
話你評估報告同普通BB的發展相若…
現階段普通BB做到的~希希都做到…
而今日的表現仲好好呀…
還說唐寶寶之中~希希的體能可說是最叻仔,最醒目…
親愛寶貝:媽媽我覺得很驕傲,多謝你!
*******************************************
睇真d~希希你又真係幾硬正喎!
而且也越嚟越似女仔 tim!

玩腳仔

7個月大的你…
已學會了捉自己對腳仔啦…
記得在上個月導師問我希希可吾可以自己捉到對腳呀…
媽媽我說還未捉到呀…
一個月後的今天…
媽媽我覺得你完完全全有力地捉實了…
而且仲想食腳指 tim …

真情剖白

2006年9月5日~
証實了自己懷孕6週,從未諗過會再生BB,因為我自己吾太喜愛湊小孩,一次意外的懷孕,當然滿心歡喜地迎接小生命的來臨!
2007年4月12日~
早產了3週,誕下了你(子希),這一天本應是最快樂的日子,誰不知竟然是我人生中最大的打擊,因為我在不知情下誕下『唐寶寶』,真真正正令我最傷心,最痛苦的日子開始了……
在這些期間裡~
每天都過著害怕的日子,每晚都要以淚洗面,在家人同朋友下,假裝自己很堅強,但其實內心的我是多麼脆弱的……
曾經有一刻想放棄你,或者被你初出世的樣子嚇怕了,樣子怪怪,鼻子扁扁,舌頭突出,連眉毛也看不見……
親愛寶貝:請你原諒我這一刻的錯……
雖然這段日子已成過去,但我很想耤此告訴給我的家人,朋友,
如沒有你們的支持,我相信自己沒有這麼快站起來!
如沒有你們的鼓勵,我相信自己沒有這麼大的勇氣!

多謝你們!

貼貼貼…

今星期重點練習…貼貼貼(用手慨念,觸覺辨別能力)
希希練習了第四天~

 大大張小白免貼紙

 全不理會…

 試吓用哥哥d貼紙先

 貼埋對腳腳仔吓

 仍然都冇乜反應…

希希做呢個練習…完全對d貼紙冇感覺,亦冇意識 『掂』同 『撕』
希希努力呀!

這份堅持

希希你上早期訓練已不經不覺3個月了…
由你初初軟綿綿的身軀…
到現在的你…

 

爸爸常說: BB好攰,做少1次練習吾緊要啦 !

媽媽我答: 吾可以

爸爸說: BB扭計,做少1次練習吾緊要啦 !

    我說: 吾可以

爸爸說: 媽咪妳攰,做少1次練習吾緊要啦 !

    我說: 吾可以

爸爸說: 媽咪妳吾舒服,做少1次練習吾緊要啦 !

    我說: 吾可以

**********************************************

親愛寶貝:

媽媽我慶幸自己有這份堅持……

而這份堅持就是BB你給我的……

缺乏知識的人

諗咗一晚…

都係忍唔住要寫…

咋天我帶希希返醫院檢查…

有位阿太問我:妳食避孕藥…

我話:『無』…

佢又再問:妳食減肥藥…

我話:『無』…

跟住佢一副奇怪的樣子望住(希希)答點解架……

之後我費事理佢…

勁討厭!

努力努力…再努力

今天希希上 ST
導師話希希條脷仔仍很鬆肔,而且在咀嚼方面都末能達到如期中理想…
因為他在咀嚼的時候~舌頭像沒有反應,感知比較慢
但在咀嚼練習就好有力去咬,但可惜條脷仔吾咪太識左右移動(跟住物體)
當媽媽我知道後,內心又不停地叫喊…
雖然媽媽我每天都和你做練習,但希希你一定要比心機…
現在起,又要加強訓練刺激舌頭反應(每天共10樣口部練習)~
親愛寶貝:
我們一起努力改善吧!

第一頂~

這是在我大肚期間     

織比希希的第一頂帽…

親愛寶貝:希望你中意

小玩兒

今天大王子叫我買呢樣野…

    令我諗返起童年時…回憶