Day 8

勇敢的希希...
在爸爸懷抱下終放靜下來進入手術室...

媽媽在門外等候時...
又再問上天,為何偏偏選中他...
少少年紀就要承受咁大痛楚...好痛心

兩小時後,媽媽收到電話,可以入手術室陪希希呀...
人人都說希希好乖,冇喊,好叻仔...
然後媽媽抱返你,待你輸完血少板才上病房...
媽媽一邊抱著你一邊對你說,
我既小bu好勇敢,因為有病,但好乖乖,好合作,肯比醫生醫,所以很快就可以返屋企,
係一個好得人鍾意小勇士,甚麼都忍受到...
小bu很鍾意我地,爸爸媽媽哥哥都好鍾意你...
你聽後,像明白了,乖乖挨在媽媽心口處...

手術後三小時,開始在喉仔位抽血...成功了
你終於可以脫離每天皮肉之苦,媽媽數過你手腳加埋有成廿幾個針隆...
1:30pm開始,姑娘正式逐樣逐樣幫你踢走佢,一身鬆哂...

但是,由於你今天成日喊關係,影响了喉仔位傷口不斷滲血,有機會發炎...
雖然我知道你今天很辛苦,因為你肛門位已經'那'到損哂,流血了...
希希你能再忍下嗎?

還有6天,不敢想...
媽媽真係覺得好難挨,好痛心...